१००० बेकायदा चाळींना अभय; थेट पाहणी नंतर आयुक्तांची कारवाई, सहाय्यक आयुक्त निलंबित 

कल्याण : कल्याण-डोंबिवली महानगरपालिकेतील बेकायदा बांधकाम प्रकरणी मोठी कारवाई करण्यात आली आहे. आयुक्त अभिनव गोयल यांनी गुरुवारी टिटवाळा-बाल्याणी परिसराची अचानक पाहणी केली आणि पाहणीनंतर तात्काळ ‘१/अ’ प्रभागाचे सहाय्यक आयुक्त जयवंत चौधरी यांना निलंबित केले.वडवली , मोहने, आंबिवली ,बल्याणी , उंभर्णी,टिटवाळा मध्ये राजरोसपणे तीन ते चार मजली इमारती बेकायदेशीर बांधकाम करून उभ्या राहिल्या आहेत निलंबन आदेशात नमूद करण्यात आले आहे की, टिटवाळा-आंबिवली पट्ट्यात भू-माफियांनी सुमारे १००० बेकायदा चाळी उभारल्याचा मुद्दा विधान परिषदेत उपस्थित झाला होता. वडवली, मोहने, आंबिवली पुर्व-पश्चिम परिसर, बल्याणी, उंबरणी आणि मांडा या भागांमध्ये खाजगी आणि शासकीय जमिनींवर मोठ्या प्रमाणात बेकायदा बांधकामे झाल्याचेही आदेशात म्हटले आहे. प्रशासनाच्या माहितीनुसार, या चाळी बिल्डरांकडून सोशल मीडियाच्या माध्यमातून विकल्या जात होत्या. एका चाळीत १० खोल्या असून प्रत्येक खोलीची किंमत सुमारे ६ लाख रुपये सांगितली जात होती. या ठिकाणी गटार, रस्ता आणि पाणी यांसारख्या मूलभूत सुविधाही उपलब्ध नसताना नागरिकांना आकर्षित केले जात होते.त्या बांधकामाला चार ते पाच इंची जलवाहिन्या  टाकून बेकायदेशीर पाणीपुरवठा केला जात आहे. सुभाष कोट , अरविंद पाटील, आदी पाटील, अविनाश पाटील, विनोद कोट , संपत शिरसाट, यांनी तर चक्क तीन ते चार मजली इमारती बांधून पुन्हा नवीन इमारती वरती मजले वाढवत आहेत तर काही आरक्षित भूनखंडावर फर्निचर दुकान उभारले आहेत . सर्वात गंभीर आरोप असा आहे की, प्रभाग क्षेत्र अधिकारी म्हणून ही सर्व माहिती असूनही  जयवंत चौधरी यांनी कोणतीही कारवाई केली नाही. आर्थिक हितसंबंधांमुळे बेकायदा बांधकामांकडे दुर्लक्ष केल्याचा ठपका त्यांच्यावर ठेवण्यात आला आहे.